Mariin Paanaalii mata duree “Ida’amuu tokkummaa sabdaneesummaaf” jedhun gaggeeffamaa jira

Mariin kun Tajaajila Oduu Itoophiyaan kan qophaa’e yoo ta’u waraqaleen qorannoo yaadama Ida’amuurratti xiyyeeffatan afur dhihaatanii irratti ni mariyatama jedhameera.

Dabalataan marii kanaan yaadamni ida’amuu nageenya, Misooma akkasumas badhaadhina mirkaneessuu keessatti gahee inni qaburratti bal’inaan ni mari’atama jedhameera.

Gama biraatiin waltajjjii marii kanaan yaadota waliigaltee biyyaalessaa uumuu dandeesisan irrattis xiyyeeffachuun ni mari’atama jedhame.

Marii kanarratti itti aantuu Af-yaa’ii mana maree bakka bu’oota uummataa Aadde Loomii Badhoo, Jiddugala qindeessa ijaarsa diImokiraasii Waajjira Muummee Ministiraatti Ministirri qunnamtii uummataafi idil addunyaa Obbo Addisuu Araggaa, Hoji gaggeessaa olaanaa TOI Obbo Seefaa Darribee, hoggantoota hojii mootummaa, fi paartiilee siyaasaa adda addaa dabalatee keessuummoonni waamichi taasifameef argamuu TOI gabaaseera.