Manni murtichaa Dooktar Muluuqan Habtuu dabalatee himatamtoonni 5 bilisaan akka ba’an murteesse

Finfinnee, Eebla 4, 2015 (FBC) – Manni murtichaa Hogganaa Biiroo Ogummaa fi Teeknikaa Magaalaa Finfinnee kan turan Dooktar Muluuqan Habtuu dabalatee himatamtoonni 5 bilisaan akka ba’an murteesseera.

Manni Murtii Olaanaa Federaalaa Dhaddachi Ramaddii 3ffaa Lidataa himatamtoota yakka malaammaltummaa carraa manneen waliin jireenyaa waliin dhahuun himatamanirratti murtoo laateera.

Sagantaa carraa baasuu manneen waliin jireenyaa marsaa 3ffaa sagantaa 40/60 fi marsaa 14ffaa sagantaa 20/80 waliin dhahuun walqabatee namoota yakka malaammaltummaan himataman 11 keessaa 5 bilisan akka ba’an manni murtichaa murteesseera.

Abbaan Alangaa namoota dhuunfaa kanneen himachuun ragaa namaa fi sanadaa mana murtiif dhiyeessee ture.

Ragaalee namaa fi sanada dhiyaate qorachaa kan ture manni murtichaa Dooktar Muluqan dabalatee himatamtoonni 5 bilisaan akka ba’an murteesseera.

Himatamtoonni 5 ammoo mirgi wabii eegameefii ragaa ittisaa akka dhiyeeffatan ajaja laateera.

Zufaan Kaasahuuntu gabaase.

#Oromiyaa #Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.