Manni Marichaa walga’ii Addaa 6ffaa gaggeesseen haala yeroorratti mari’achuun yaada murtoo dabarse
Finfinnee, Waxabajjii 29, 2014 (FBC) – Manni Maree Bakka Bu’oota Uummataa Walga’ii Addaa 6ffaa guyyaa hardhaa gaggeesseen haala yeroo fi haleellaa namoota nagaarratti raawwate ilaalchisuun yaada murtoo dabarseera.
Haaluma kanaan:-
- Lammiilee gara jabeenyaan ajjeeffamaniif yaadannoon sammuu daqiiqaa tokkoo akka taasifamu
- Naannolee biyyattii kamittuu qaamolee lammiilee nagaarra miidhaa fi ajjeechaa raawatan akkasumas qabeenya barbadeessan seeraan akka gaafataman akka taasifamu
- Hoggansi qaamoleen nageenyaa fi haqaa sadarkaan jiran yakkamtoota seeraan gaafachiisuuf seeratti akka dhiyeessan
- Hojiin lammiilee qe’ee fi qabeenya isaaniirraa buqa’an gara qe’ee fi qabeenya isaaniitti deebisuu ariitiin akka hojjetamu
- Uummanni Ityoophiyaa yeroo kamiyyuu caalaatti obbolummaanii fi tokkummaan akka dhaabbatan
- Koreen addaa hoggansa olaanaa mana marichaan hundaa’an dhimmicha qulqulleeffachuun manni marichaa fi uummanni raga gahaa akka qabaatu taasisuu akkasumas yaada duub-deebii tarkaanfii itti aanuuf fayyadan akka dhiyaatu murtaa’uu ragaan mana marichaarraa argame ni mul’isa.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.