Manni marichaa muudama ministiroota 3 raggaasise
Finfinnee, Amajjii 21, 2012 (FBC) – Manni Maree Bakka Bu’oota Ummataa FDRI muudama ministiroota 3 raggaasise.
Miseensonni mana marichaa adeemsi muudama ministiroota 3 ittiin ifoome sirrii akka hin turre beeksisaniiru.
Manni marichaa walga’iisaa idilee 11ffaa waggaa 5ffaa har’aatin muudama ministiroota 3 raggaasiseera.
Muudamtoonnis mana marichaatti argamuun kakuu seenaniiru.
Dooktar Geetaahuun Makuriyaa ministira Ministeera Barnootaa, obbo Malaakuu Allabal ministira Ministeera Daldalaa fi Indaastirii, Dooktar Abrahaam Balaay ministira Ministeera Innooveeshinii fi Teeknooloojii ta’uudhan muudamaniiru.
Muudamicha raggaasisuurratti Amajjii 6,2012 muummee ministiraatin kan filataman muudamtoonni kanneen, muudamni isaanii mana marichaatin osoo hin raggaasifamin duursee ifoomun rakkoo adeemsaa qabaachuu ibseera.
Rakkoon adeemsaa kun akka sirratu kan hojjetu ta’uus ibseera.