Manni Maree Waliigalaa Dhimmoota Islaamummaa Itiyoophiyaa sagantaa Ifxaaraa gaggeesse

Finfinnee, Bitootessa 4, 2016 (FBC) – Manni Maree Waliigala Dhimmoota Islaamummaa Itiyoophiyaa sagantaa Ifxaaraa magaalaa Finfinneetti gaggeesseera.

Ministira Ministeera Dhimma Dubartootaafi Hawaasummaa Dooktar Ergoogee Tasfaayee, Ambaasaddaroonni, Dippiloomaatonni, bakka bu’oonni gumii dhaabbilee amantaa Itiyoophiyaa, bakka buutonni Mana maree dhimmoota Islaamummaa Magaalaa Finfinneefi naannolee akkasumas abbootiin amantaalee saganticharratti argamaniiru.

Pireezidaantiin Mana Maree Waliigalaa Dhimmoota Islaamummaa Itiyoophiyaa, Dooktarri kabajaa Sheeh Ibraahim Tufaan, baatii sooma ramadaanaa keessa walgaafachuu fi walitti dhiyaachuun murteessaa ta’uu dubbataniiru.

Manni marichaas kana tilmaamama keessa galchuun sagantaa Ifxaaraa kana qopheessuu eeraniiru.

Hawaasni Musliimaa baatii ramadaanaa namoota rakkatan gargaaruun, kan waldhabe araarsuun hojiiwwan gaggaarii hojjechuun dabarsuu akka qaban dubbachuu TOI gabaaseera.

#Oromia #Ethiopia

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.