Manni maree Ministirootaa murtoowwan garaagaraa dabarse

Finfinnee, Amajjii 6, 2015 (FBC)- Manni Maree Ministirootaa walga’ii idilee 16ffaa har’a gaggeesseen murtoowwan garaagaraa dabarseera.

Manni marichaa dhimmoota garaagaraarratti mari’achuun Manaa MareeBakka Bu’oota Ummataaf qajeelchuu fi kaan raggaasisuun akka hojiirra oolan murteesseera.

Haaluma kanaan pirojektii qabiinsaa lafaa waaraa boqonnaa lammaffaa raawwachiisuuf waliigaltee liqii Doolaara miiliyoona 107 fi kuma 174 fi 255, sagalee guutuun raggaasisuun mana maree bakka bu’ootaa ummataaf akka qajeelfamu murtoo dabarseera

Kana malees, labsii eksaayis taaksii fooyyessuuf wixinee labsii dhiyaaterratti mari’achuun galtee yaada fooyya’iinsaa dabaluun Mana Maree Bakka Bu’oota Ummataaf akka qajeelfamuu murteesseera.

Dabalataan, wixinee dambii Inistitiyuutii Qo’annoo Armaawar Hansan hundeessuuf ba’e, wixinee dambii Tajaajila Baankii Dhiigaa fi Tishuu hundeessuuf ba’e, wixinee dambii Inistitiyuutii Fayyaa Hawaasaa Ityoophiyaa hundeessuuf ba’e, Wixinee dambii aangoo, itti gaafatamaa fi gurmaa’ina Abbaa Taayitaa Nyaataa fi Qorichoota Ityoophiyaa murteessuuf ba’erratti bal’inaan erga mari’atee booda raggaasisuun guyyaa Gaazeexaa Nagaariit irratti maxxanfamee eegalee akka hojiirra ooluu murteesseera.

Dabalataan, waliigaltee gamaa lameenii Turkii fi Emereetota Araba Gamtoomanii waliin namoota yakkaan barbaadaman dabrsanii kennuu fi dhimmoota yakkaarratti walta’iinsa seeraa taasisuuf waliigaltee mallatteffamerratti mari’achuun akka ragaasifamuuf Mana Maree Bakka Bu’oota Ummataatti akka qajeelfamuu murteesseera.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.