Magaalichatti sochii konkolaattota jajjaboorraa dhorkiin kaa’ame

Finfinnee, Onkololeessa 19, 2014 (FBC)- Magaalaa Finfinneetti sochii konkolaattota jajjaboorratti dhorkiin kaa’amuu Biiroon Geejjiba Magaalaa Finfinnee beeksise.

Banamuu manneen barnootaan walqabatee sa’aatii seensaa fi ba’iinsa hojiitti magaalichatti dhiphinni sochii tiraafikaa olaanaan mul’achaa jiraachuu isaarraan kan ka’e sochiin konkolaattota jajjaboo ganama sa’atii 12:30 – 4:00 akkasumas guyyaa sa’atii 10:00- galgala 2:00tti gara magaalichaatti seenuus ta’e magaala keessa socho’uun akkasumas fe’iinsa fe’uu fi buusuun kan hin danda’amne ta’uu biirichi beeksiseera.

Kanaafuu qaamolee dhimmi ilaallatu haala qajeelfama jiruun namoota  dhorkii kaa’ame darban irratti adabbii barbaachisaa ta’e dabarsuun seerichi hojiirra akka oolu waamicha taasisuu ragaan Biiricharraa argame ni muul’isa.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubiihttps://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.