Magaalichatti galteewwan nyaataa manakuusaa keessatti seeraan ala kuufaman to’ataman
Finfinnee, Caamsaa 5, 2016 (FBC) – Magaalaa Shaggar Kutaa Magaalaa Furiitti Zayinni nyaataa, Sukkaarri, Daakuu, Ruuzii, Missirrii fi Xaa’oon biyyoo manakuusaa keessatti seeraan ala kuufame to’ataman.
Ajajan Poolisii Kutaa magaalichaa Komandar Fufaa Magarsaan akka ibsanitti, eeruu dhiyaatee hordofee sakkata’iinsa taasiifameen meeshaaleen nyaataa fi Xaa’oon to’atamu dubbataniiru.
Haaluma kanaan Sukkaarri kuntaalli kumni 1, Ruuzii kuntaalli 150, Missirri kuntaalli10 fi daakuun kuntaalli 700 mankuusaa keessatti seeraan alaa kuufamee argamuu ibsaniiru.
Dabalataniis zaayitni Kaartooniin 560 abbaan liitira 3, Jariikanni kuma 400 abbaan liitira 20 fi xaa’oon kuntaalli 250 to’atamuu Faana Biroodkastingi Korporeetif himaniiru.
Taarik Addunyaatu gabaase.