Magaalichatti bittaa fi gurgurtaa kallattii oomishtootaa fi shaammaattotaa Birrii miiliyoonni 25 ol raawwachuu ibsame

Finfinnee, Sadaasa 11, 2014 (FBC)- Magaalaa Finfinneetti gabaa dilbataa torban 3’n bittaa fi gurgurtaa kallattii oomishtootaa fi shaammaattotaan Birrii miiliyoonni 25 ol raawwachuu Ejensiin Hojiile Gamtaa Magaalaa Finfinnee beeksise.

Bittaa fi gurgurtaa kallattii oomishtootaa fi shammaattotaa torban torbaniin magaalicha bakkeewwan filatamanitti gaggeeffamuun bittaa fi gurgurtaan Birrii Miiliyoona 25 ol raawwatamuu Daayreektarri dhimmoota koominikeeshinii ejensichaa obbo Xilaahuun Geetaachoo ibsaniiru.

Shammaattoonni hojiilee gamtaa oomishaalee qonnaa waldaalee hojii gamtaa naannoleerraa fi oomishaalee indaastirii warshaaleerraa hawaasa magaalichaaf gatii madaalawaan dhiyeessaa kan jiran ta’uu yaadachiisaniiru.

Waldaaleen kunneen torban torbaniin guyyaa dilbataa sa’aatii 1:00 iraa eegalee guyyaa guutuu bakkeewwan filatamanitti oomishaalee qonnaa fi indaastirii dhiyeessuun dhiibbaa diinagdee hawaasarra ga’u hir’isaa jiraachuu ibsaniiru.

Fuulduratti dandeettii waldaalee kanneen cimsuun, bakkeewwan bittaa fi gurgurtaan itti gaggeeffaman dabaluunii fi hanga oomishaalee fi  dhiyeessii guddisuuf hojjetamaa jiraachuu ibsaniiru.

Maddi:- TOI

Naannoo keessaan eegaa!

Gara adda waraanaatti duulaa!

Raayyaa Ittisa Biyyaa deeggaraa!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com

/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna