Magaalichatti Ayyaanni Cuuphaa karaa nagaan akka kabajamuuf qaamolee dhimmatootaa waliin hojjetamaa jiraachuu ibsame

Finfinnee, Amajjii 7, 2015 (FBC) – Magaalaa Finfinneetti Ayyaanni kataraafi Cuuphaa karaa nagaan akka kabajamuuf qaamolee dhimmatootaa waliin qindoominaan hojjetamaa jiraachuu Biiroon Bulchiinsaafi Nageenyaa magaalichaa beeksise.

Komishiniin hirmaannaa hawaasaafi tajaajila tola ooltummaa magaalaa Finfinnee Biiroo Bulchiinsaafi Nageenyaa magaalichaa waliin ta’uun haala kabaja ayyaana Kataraafi Cuuphaarratti marii gaggeesseera.

Ayyaanonni kunneen karaa nagaan akka kabajamaniif damee hundaan qophii barbaachisaan godhamuu Ittaanaan Hogganaa Biiroo Bulchiinsaafi Nageenyaa magaalichaa obbo Geetaahuun Abarraa addeessaniiru.

Bu’uuruma kanaan qaamoleen nageenyaa magaalichaa kutaalee hawaasaa tajaajila lammummaa kennan waliin hojjechaa jiraachuu ibsaniiru.

Ittaantuun Komishinaraa Komishinii Hirmaannaa Hawaasaafi Tajaajila Tola Ooltummaa magaalichaa Natsaannat Dhaabaan gamasaaniin, hundi waardiyaa nageenyaa ta’uu qaba jedhaniiru.

Ayyaanonni kunneen karaa nagaan akka kabajamaniif tola ooltonni hojiisaanii hojjechuuf qophii xumuruu ibsuusaanii TOI gabaaseera.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.