Magaalaa Walaayittaa Sooddootti giddugala gabaa Markaattoo deebisanii ijaaruuf dhagaan bu’uuraa kaa’ame
Finfinnee, Caamsaa 25, 2013 (FBC) – Naannoo Kibbaa magaalaa Walaayittaa Sooddootti giddugala gabaa Markaattoo balaa ibiddan barbadaa’e deebisanii ijaaruuf dhagaan bu’uuraa kaa’amuu ibsame.
Itti aanaan Preezdaantii Naannoo Kibbaa obbo Iristuu Yirdaaw giddugalicha deebisanii ijaaruuf dhagaa bu’uuraa kaa’aniiru.
Balaa ibiddaa giddugalicha muudaten jiraattoonn hedduun rakkoof saaxilamuu obbo Iristuun ibsaniiru.
Itti aanaan Preezdaantii Naannoo Kibbaa obbo Iristuu Yirdaaw giddugalicha deebisanii ijaaruuf qaamolee deeggarsa taasiisan hunda galateeffataniiru.
Ijaarsi giddugala Gabaa Ammaayyaa kun waliigala baasii Birrii Biiliyoona walakkaa ol kan gaafatu ta’uu himameera.
Sirna dhagaa bu’uuraa kaa’uu kanarratti Itti aanaa Preezdaantii Naannoo Kibbaa obbo Iristuu Yirdaaw fi Ministira Ministeera Saayinsaa fi Dhaabbilee Barnootaa olaanoo Dooktar Saamu’eel Urqaattoo dabalatee hoggantoonni mootummaa olaanoon naannoo Kibbaa fi Chaayinaatti Ambaasaaddarri Ityoophiyaa Ambaasaaddar Tashoomaa Toogaa argamuu ragaan Biiroo Dhimmoota Kominiikeeshinii naannoo Kibbaarraa argame ni agarsiisa.
Fuula Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubiihttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.