Magaalaa Sulultaatti balaa ibiddaa qaqqabeen suuqiiwwanii fi hoteelli tokko barbaada’uu ibsame

Finfinnee, Eebila 29, 2014 (FBC) – Magaalaa Sulultaatti, balaa ibiddaa qaqqabeen suuqiiwwanii fi hoteelli tokko barbaada’uu qajeelchi Poolisii Bulchiinsa Magaalaa Sulultaa beeksiseera.

Balichi  halkan edaa naannoo sa’aatii 10:30tti konkolaataa fe’umsaa boba’aa barmeelaan fe’ee gara Finfinnee deemaa jirurraa kan ka’e ta’uu Ajajaan Qajeelcha Poolisii Magaalichaa Koomaandar Nagarii Dhibbaa ibsaniiru.

Konkolaataan fe’umsaa lakkoofsi gabatee isaa AA 65962 boba’aa fe’ee gara Finfinnee imalaa turees balichaan faayidaan ala ta’uu eeraniiru.

Balaa ibiddaa qaqqabeen qabeenyi barbadaa’uu fi  lubbuu namaarraa miidhaan  gahe kan hin jirre ta’uu kaasaniiru.

Balichi miidhaa hamaa  osoo hin qaqqabsiisiin to’achuun danda’amuu qajeelchi poolisii magaalichaa beeksisuu OBN gabaaseera.

Fuula Feesbuukii keenyaan dabalataa odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.