Magaalaa Shaashamanneetti filannoo biyyaalessaa marsaa 6ffaa boru gaggeeffamuuf qophiin barbaachisu xumurame
Finfinnee, Waxabajjii 13, 2013 (FBC) – Magaalaa Shaashamanneetti filannoo biyyaalessaa marsaa 6ffaa boru gaggeeffamuuf qophiin barbaachisu xumuramuu Waajjirri Qindeessa Filannoo naannoo Shaashamannee ibse.
Filannoodhaaf meeshaaleen barbaachisan buufataalee filannoo hundatti raabsamuusaanii Qindeessaan Naannoo Filannoo Shaashamannee obbo Amaaraa Takliyyee ibsaniiru.
Qajeelfama ittisa weerara vaayrasii koroonaaf ba’e eeguun filannicha gaggeessuuf meeshaaleen ittisa vaayrasichaaf oolan Saanitaayizarii fi bishaan qophaa’uu himameera.
Ummatni Magaalaa Shaashamannee nageenyummaa filannoo eeguudhaan filachuuf qophaa’anii guyyaa boruu hawwiidhaan eegachaa jiraachuu ibsaniiru.
Magaalaa Shaashamanneetti naannoleen filannoo 3 fi buufataaleen filannoo 126 kan argaman ta’uu obbo Amaaraan dubbataniiru.
Jiraattoonni kumni dhibbi 1 fi kumni 59 ol kaardii fudatan filannoof qophii ta’uu eerameera.
Biqilaa Tufaatu gabaase.
Feesbuukii Keenyan Dabalata Odeeffannoo Waqtaawaa Argachuuf;
Teelegraama Https://T.Me/Afanoromofana
Yuutyuubiihttps://Www.Youtube.Com/C/Fanabroadcastingcorporate/
Marsariitii Fanabc.Com/Afaanoromoo
Twiitara Https://Twitter.Com/Fanatelevision Nu Duukaa Bu’aa
Yeroo Maraa Nu Waliin Waan Taataniif Isin Galateeffanna.