Magaalaa Finfinneetti balaa ibiddaa mudateen suuqiiwwan 10 irra miidhaan qaqqabuu ibsame

Finfinnee, Guraandhala 7, 2015(FBC)- Magaalaa Finfinnee Kutaa magaalaa Boolee aanaa 12’tti balaa ibiddaa mudateen suuqiiwwan 10 irra miidhaan qaqqabuu Komishiniin Hoggansa Sodaa Balaafi Ibiddaa magaalichaa beeksise.

Balaan ibiddichaa kaleessa galgala naannoo sa’aatii 7:51 naannoo Bulbulaa jedhamuun beekamutti mudachuu ogeessi quunnamtii uummataa komishinichaa obbo Nigaatuu Maammoon Faanaa Biroodkaastiing Koorporeetitti himaniiru.
Balicha to’achuuf konkolaattonni yeroo balaa 4, ambulaansiin 1fi hojjettoonni yeroo balaa 27 bobba’uu kaasaniiru.

Balichi babal’atee balaa cimaa osoo hin qaqqabsiisiin to’atamuu ibsaniiru.

Balichaan miidhaan namarra gahe kan hin jirre ta’uu eeruun, hangi miidhaa qabeenyarra gaheefi ka’umsi isaa qoratamaa jiraachuu addeessaniiru.

Yohaannis Darribawutu gabaase.

#Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.