Liiver Puul carraa hirmaannaa Shaampiyoons Liigii Awurooppaa bal’ifate

Finfinnee, Caamsaa 11, 2013 (FBC) – Taphoota Priimeyar Liigii Ingilaandaa torbee 37ffaa galgala kana gaggeeffameen Liiver Puul 3 fi 0n Barnileey injifateera.

Liiver Puul tapha torbee 38ffaa Dilbata dhufu Kiristaal Paalaas waliin qabu injifannaan bu’aa tapha Leesiisteer Siitiin Tootanihaam waliin qabu irratti hundaa’uun carraan isaa murtaa’a.

Liiveer Puul fi Leesiisteer Siitiin qabxii walqixa qabaatanus Liiver Puul gooliin caaluun sadarkaa 4ffaarratti argama.

Cheelsiin tapha Dilbata dhufu Astoon Viillaa waliin qabu injiffannaan hirmaannaa Shaampiyoons Liigii Awurooppaa bara 2021/2022 ni mirkaneeffata.

Taphoota liigichaa torbee 37ffaa galgala kana gaggeeffameen Astoon Viillaan 2fi 1n Tootanihaam, Arsenaal 3 fi 1n Kiristaal Paalaas, Eevartan 1 fi 0n Woolverhaaptoon injifataniiru.

Arsenaal Dilbata dhufu tapha Biraayiton waliin qabu kan injifatu yoo ta’e taphaa Eervataan Maanchiister Siitii, Tootanihaam Leesiister waliin gaggeessan irratti hundaa’uun carraan hirmaannaa Liigii Awurooppaa isaa ni murtaa’a.

Sheefiild Yuunaayitiid, West Broomichii fi Fuulahaam hirmaannaa Priimeyar Liigii Ingilaanda bara 2021/2022 osoo hin argatin hafaniiru.

Maddi:- BBC Sport

Feesbuukii keenyan dabalata odeeffannoo waqtaawaa argachuuf;https://www.facebook.com/fanabroadcasting

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.