Leenjii interpirinarshiippii Qonnaan/Horsiisee Bultoota gara inivastimantiitti ce’an kuma 15’f kennamuu eegale

Finfinnee, Onkololeessa 25, 2017 (FBC)- Leenjii interpirinarshiippii Qonnaa bultootaa fi Horsiisee Bultoota gara inivastimantiitti ce’an kuma 15’f Giddugaloota 19’tti kennamuu eegaleera.

Qonnaan bultoonnii fi Horsiisee bultoonni gara invastimantiitti ce’uun intarpirinara milkaa’aa akka ta’aniif bara 2014 irraa eegaluun leenjiin kennamaa jiraachuun eerameera.

Baranas leenjiin kun qonnaan bultootaa fi horsiisee bultoota gara invastimantiitti ce’an Godinaalee 21 fi magaalota 21 irraa babba’an kuma 15’f kennamuu eegaleera.

Leenjichis giddugaloota 19’tti marsaa lamaan, har’arraa eeegalee hanga Onkololeessa 30, 2017’tti kan kennamu ta’uu ragaan Biiroo Qonnaa Oromiyaarraa argame ni mul’isa.

#Oromia #Ethiopia