Lagni Awaash yeroo kaanirra haalan guutuu isaatin balaan lolaa mudateera
Finfinnee, Fulbaana 5, 2013 (FBC) – Lagni Awaash yeroo kaanirra haalan guutuu isaatin balaan lolaa mudateera.
Naannoo Afaaritti lagichi kallattii geeddarachuun lammiileen akka buqqaafamanii fi qabeenyi isaanii akka manca’uuf sababii ta’eera.
Aanaa 1 qofatti oomisha heektaara kuma 14 ol irratti balaa qaqqabsiisera.
Oomishti shankooraa fi jirbii oomisha miidhaan irra ga’edha.
Oomishti miidhaan irra ga’uun barbadaa’e hedduun isaa Fulbaana 4 booda walitti qabamuuf kan turedha.
Dhaabbata Misooma Qonnaa Amibaaraa Awaash Jiddugaleessaa qofatti qabeenyi Birrii biiliyoona 1.5 ol barbadaa’era.
Hojjettoonni kumni 5 olis hojii dhabaniiru.
Lafa heektaara 6017 irratti oomishti misoome manca’ee, meeshaaleen Birrii miiliyoona dhibba 3 olii barbadaa’era.
Mootummaan naannoo fi federaalaa rakkinicha dandamachiisuuf tumsaan hojjechaa jiru.
Haaylayyasuus Siyyuumtu gabaase.
Odeeffannoo waqtaawaa argachuuf Teelegraama keenya https://t.me/afanoromofana subiskiraayib godhaa.