Labsii yeroo ariifachiisaa daheeffachuun Poolisoota yakka malaammaltummaa raawwatanirratti himanni baname
Finfinnee, Muddee 26, 2014 (FBC) – Labsii yeroo ariifachiisaa daheeffachuun Poolisoota faayidaa hin malle argachuuf yakka malaammaltummaa raawwachuun shakkamanirratti himanni banamuu Ministeerri Haqaa beeksiise.
Miseensa Poolisii ta’uu isaanii uwwisa taasiisuun ajaje tokko malee namoota dhuunfaan haala yeroon walqabatee seeraan barbaaddamtu, qooda hidhamtan maallaqa nuuf laadhaa jechuun yakka raawwaachuun shakkaman Miseensota Poolisoota Federaalaa fi magaalaa Finfinnee 7 irratti himanni banamuu ibsameera.
Miseensonni Poolisii Federaalaa 4 Birrii kuma dhibba 2 fi kuma 60 fudhachuu isaanii irra ga’amuu fi Miseensonni Poolisii Magaalaa Finfinnee 3 ammoo Birrii kuma 70 fudhachuu isaaniin Abbaan Alangaa himannaa irratti banuun dhimmi isaanii ilaallamaa jiraachuu Ministeerichi ibseera.
Qaamoleen nageenyaa itti gaafatamummaa isaanii haala guutuu ta’ee fi namuusa Poolisii eeguun akka ba’anii fi kutaaleen hawaasaas hojmaata badaa wayita argan eeruu laachuu akka qaban Ministeerichi waamicha dhiyeesseera.
Akkasumas lakkoofsa bililaa bilisaa 6044 eeruu laachuu kan danda’an ta’uu ibseera.
Ityoophiyaa :- Misoomsuuf, Ijaaruuf, Yaa qophoofnu!!!
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.