Kutaa magaalaa Eekkaatti balaa ibiddaa qaqqabeen qabeenyi Birrii miiliyoona 50 olii manca’e

Mudde 24, 2015(FBC)-  Magaalaa Finfinnee kutaa magaalaa Eekkaa aanaa 5 naannoo Shoolaa Gabaatti  balaa ibiddaa qaqqabeen qabeenyi Birrii miiliyoona 50 olii manca’uu Komishiniin Hoggansa Sodaa Balaafi Ibiddaa magaalichaa beeksise.

Balaa ibiddaa aanichatti guyyaa kaleessaa halkan keessaa naannoo sa’aatii 10:00 suuqiiwwan 84 irra miidhaan qaqqabuu Ogeessi quunnamtii hawaasaa komishinichaa obbo Nigaatuu Maammoon Faanaa Broodkaastiing Korporeetitti himaniiru.

Hirmaannaa hojjettoota komishinichaan balichi miidhaa hamaa osoo hin qaqqabsiisiin to’achuun danda’amuufi qabeenya Birrii miiliyoona dhibba 5’tti shallagamu baraaruun danda’amuu kaasaniiru.

Balicha to’achuuf konkolaattota ittisa balaa ibiddaa 12fi hojjettoonni yeroo balaa 95 bobbaafamuu eeruun, balicha guutumaan guutuutti to’achuuf sa’aatii 4:28 fudhachuu ibsaniiru.

Balichaan hanga ammaatti miidhaan namarra gahe kan hin jirre ta’uufi ka’umsi isaa qoratamaa jiraachuu eeraniiru.

Malaakuu Gadiftu gabaase.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.