Kutaa magaalaa Eekkaatti qonnaan bultoota kuma 1 fi 321f kaartaan mirkaneessa qabiyyee lafaa laatame
Finfinnee, Caamsaa 13, 2013 (FBC) – Magaalaa Finfinnee kutaa magaalaa Eekkaatti qonnaan bultoota kuma 1 fi 321f kaartaan mirkanneessa abbaa qabeenyummaa qabiyyee lafaa laatameera.
Sadarkaa itti aanaa Kaantibaatti itti gaafatamaan waajjira Ijaarsa sirna Diimookiraasii bulchiinsa magaalaa Finfinnee obbo Mallas Alamuu fi hoggantoonni olaanoo bulchiinsa magaalicha bakka argamanitti qonnaan bultoota kanneeniif kaartaan mirkanneessa abbaa qabeenyummaa qabiyyee lafaa laatameera.
Gaaffii ummataa karoora yeroo dheeraa fi gabaabaan deebisuuf haaluma waadaa galameen mootummaan xiyyeeffannoo fi murannoon hojjechaa jiraachuu obbo Mallas sirnicharratti ibsaniiru.
Guyyaa har’aa qonnaan bultoota ragaa seera qabeessa dhiyeeffatan kuma 1 fi 966 keessaa qonnaan bultoota kuma 1 fi 321f Kaartaan qabiyyee abbaa qabeenyummaa lafaa kennamuu itti aanaa hojii raawwachiisaa olaanaan kutaa magaalaa Eekkaa obbo Asaffaa Takleen eeraniiru.
Waggoottan darban keessa qonnaan bultoonni beenyaa ga’a malee qabeenya isaaniirraa buqqisuun kaartaa mirkanneessa qabiyyee lafaa dhorkamanii turuu eeruu isaanii ragaan Waajjira Seekreetariyaat Preesii magaalaa Finfinneerraa argame ni agarsiisa.
Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.