Kutaa magaalaa Aqaaqii Qaallittiitti qonnaan bultootaa waraqaa ragaa abbaa aabeenyummaa mirkaneessi lafaa laatame

Finfinnee, Caamsaa 7, 2013 (FBC)- Kutaa magaalaa Aqaaqii Qaallittiitti qonnaan bultootaa 1,210f waraqaa ragaa abbaa aabeenyummaa mirkaneessi lafaa laatameera.

Qorannoo kutaan bulchiinsa magaalichaa gaggeesseen hanga ammaatti qonnaan bultoonnii fi ijoolleen qonnaan bultootaa 6,600 ol karaa seeraan alaa maqaa misoomaan lafa isaanii irraa akka buqqa’an ibsameera.

Haaluma kanaanis galmeewwan 3,515 qulqulleeffachuun, guyyaa har’aa qonnaan bultoota 1,210 if waraqaan ragaa abbaa qabeenyummaa lafaa mirkaneessu kennameera.

Sirnicha irratti itti aantiin kantiibaan bulchiinsa magaalaa Finfinnee Aadde Adaanach Abeebee guddinnii fi misoomni magaalaa qonnaan bulaa fayyadamaa hintaasifne fudhatama hinqabu jedhaniiru.

Dabalataanis, ammaan booda qonnaan bulaan sababa adda addaan lafa isaa irraa buqa’uun kan rakkoo hawas diinagdeef saaxilamu otoo hintaane, irratti hojjetee kan jireenya isaa fooyyessu ta’a jedhan.

Qonnaan bultoonni kutaa bulchiinsa magaalichaa gaaffiin abbaa qabeenyummaa lafaa yeroo dheeraaf kaasaa turan deebii argachuusaaf mootummaa galateeffataniiru.

Hojiin ragaa qulqulleeffachuu akka itti fufiinsaan hojjetamaa jiruu fi qonnaan bultoota sababa adda addaan lafa isaanii irraa buqa’aniif waraqaa ragaa abbaa qabeenya lafaa ta’uu isaanii mirkaneessu kennuun itti fufa jedhameera.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubiihttps://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.