Koorporeeshinichi Manneen ijaarsisaa ture Eebbisise

Finfinnee, Onkololeessa 23, 2017 (FBC)- Koorporeeshiniin Manneen Federaalaa Gamoowwan Manneen Jireenyaa fi giddugala Oomisha meeshaalee ijaarsaa eebbisiseera.

Itti Gaafatamtuun Waajjira Ministira Muummee fi Ministirri Dhimmoota Kaabinee Alamtsahaay Phaawuloos Gamoowwan kanneen eebbisuun hojii eegalchiisaniiru.

Saganticharratti Miseensoonni Mana Maree Bakka Bu’oota Ummataa,Hojii Raawwachiisaa Olaanaa Koorporeshinii Manneen Federaalaa Obbo Rashaad Kamaal,Ministir Deetaan Ministeera Maallaqaa Dooktar Iyyoob Takkaalinyii fi qondaaltoonni olaanoo biroon argamaniiru.

Obbo Rashaad kamaal haasawaa taasisaniin, Gamoowwan ebbifaman kunneen sadarkaa isaanii eeggatanii ijaaramuu dubbataniiru.

Dooktar Iyyoob Takkaalinyi gamasaaniin, manneen eebbifaman qulqullina olaanaa fi kara baasii xiqqeesseen ijaaramuu ibsaniiru.

Giddugalli oomisha galteewwan ijaarsaa baasii Birrii biiliyoona 1 oliin ijaaramuun ibsameera.

Maraa’ool Kadirtu gabaase.