Koomiishiniin Mirga Namoomaa Ityoophiyaa fooyyessa karoora hojiilee jijjiirramaarratti mari’achaa jira
Finfinnee, Amajjii 21, 2012 (FBC) -Koomiishiniin Mirga Namoomaa Ityoophiyaa fooyyessa karoora hojiilee jijjiirramaarratti mari’achaa jira.
Koomiishinichi fooyyessa karoora hojiilee jijjiirramaa fi dhimmoota biroorratti qooda fudhattoota waliin magaalaa Finfinneetti mari’achaa jira.
Jijjiirrama biyyattiitti eegaleen walqabatee ittiin bulmaataa fi dhimmoota biroo koomiishinichaa fooyyessuurratti mari’atamaa jira.
Waltajjii guyyaa tokkoo kanaan rakkoolee dhiibbaa mirga namoomaarratti muul’atan hiikuuf qooda fudhattoota waliin mari’atamaa jira.
Waltajjicha Dhaabbata Mootummoota Gamtoomanitti Koomiishinii Mirga Namoomaa Olaanaa Baha Afrikaa fi Koomiishinii Mirga Namoomaa Ityoophiyaatu qopheesse.
Bakka buutonni waajjiraalee ministeerotaa, Mana Maree Bakka Bu’oota Ummataa, manneen murtii, dhaabbilee abbagaar, poolisii, jaarsolii biyyaa, hoggansa abbootii amantaa, miidiyaaleerraa walitti babba’an hirmaachaa jiru.