Konkolaattoota fayyadamoo deeggarsa boba’aa ta’aniif Istiikeriin ifoome

Finfinnee, Caamsaa 28, 2014 (FBC) – Konkolaattoota tajaajila uummataa kennan, warreen fayyadamoo deeggarsa boba’aa taasifamuuf jedhuu ta’aniif Istiikeriin adda baasu ifoomeera.

Istiikerichi gosa lama ta’uu fi konkolaatawwan  qaxxaamura biyyaa idilee fi konkolaataawwan tajaajila geejjibaa naannoleetti kennaniif kan tajaajiludha jedhameera.

Istiikarichi konkolaattonni fayyadamoo bobaa’aa deeggarsaa ta’uusaanii buufataalee boba’aa fi qaamolee dhimmi ilaallatuuf ragaa kan kennu ta’uu eerameera.

Istiikariin bifa cuquliisaa konkolaataa uummataa qaxxaamura biyyaaf kan tajaajilu yoo ta’u, halluu adiin kan qophaa’e ammoo konkolaattota tajaajila geejjiba uummataa naannoleef kan tajaajilu ta’uu addeffameera.

Hojiin konkolaattota fayyadamoo deeggarsa boba’aa taasifamuuf jedhuu adda baasuu fi ragaalee qulqulleessuu hojjetamaa jiraachuu ragaan Ministeera Geejjibaa fi Loojistikiirraa argame ni mul’isa.

Fuula Feesbuukii keenyaan odeeffannoo waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.