Komishinichi Komishinii Invastimantii Magaalaa Finfinnee waliin ta’uun fooramii invastimantii qopheesse

Finfinnee, Muddee 27, 2014 (FBC)- Komishiniin Invastimantii Ityoophiyaa Komishinii Invastimantii Magaalaa Finfinnee waliin ta’uun fooramii invastimantii qopheessuu ibsame.

Fooramichi Amajjii 3-6, 2014tti kan gaggeeffamu ta’uu ibsameera.

Amajjii 3, 2014 guyyaa itti torban diyaaspooraa biyyaalessaa itti banamu ta’uu himameera.

Guyyoota itti aananitti sagantaaleen garaagaraa qophaa’uu ibsameera.

Diyaaspooronni Ityoophiyaatti misooma invastimantiirratti bobba’uuf karoora qaban fooramicharratti hirmaachuun hawaasa invastimantii, koomishinii invastimantii Federaalaa fi naannolee, hoggantootaa fi ogeessota waliin akka marii’atanii fi filannoowwan invastimantii jiran akka baran komishinichi waamicha dhiyeesseera.

Carraa kanatti fayyadamuu warren barbaadan weebsaayitii komishinichaa dabalataan gama teessoo invest ethio.com jedhuun galmaa’uu kan danda’an ta’uu ibsameera.

Ityoophiyaa :- Misoomsuuf, Ijaaruuf, Yaa qophoofnu!!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.