Komishinar Jeneraal Dammallaash Gabramikaa’el jila garee Poolisii Federaalaa Jarman waliin mari’atan

Finfinne, Sadaasa 8,2015 (FBC)- Komishinarri Komishinii Poolisii Federaalaa Jeneraal Dammallaash Gabramikaa’el jila garee Poolisii Jarman Bakka Bu’aa Poolisii Federaalaa Jarmaniifi Gorsaa Olaanaa Hariiroo Idil Addunyaa Poolisii Jarman Mistar Heelam Shirootiin durfamu waliin mari’achuu ibsame.

Jeneraal Dammallaash Gabramikaa’el, mootummaan Jarman Yuunivarsiitii Poolisii Ityoophiyaaf deeggarsa garaagaraa taasisaa turuu yaadachiisuun, deeggarsa taasisaa tureef galateeffataniiru.

Dhaabbatichatti hojiilee waggoottan arfan darban hojjetaman jilichaaf ibsuu eerameera.

Bakka Bu’aa Poolisii Federaalaa Jarmaniifi Gorsaa Olaanaa Hariiroo Idil Addunyaa Poolisii Jarman Mistar Heelam Shiroot gamasaaniin, simannaa taasifameefiif galateeffachuun,Piroojektoota kanaan dura Afripooliin taasifaman cimsanii itti fufuufi qorannoo sanadaa daddabarsa namaa seeraan alaarratti taasifamu irratti walta’iinsaan hojjechuuf qophii ta’uu eeraniiru.

Kana malees Poolisii Federaalaa Ityoophiyaa waliin damee nageenyaafi tasgabbiirratti dhimmoota waliin hojjechuu danda’anirratti hariiroo isaanii cimsuuf kan hojjetan ta’uu ibsuu ragaan Poolisii Federaalaarraa argame ni mul’isa.

Tattaaffii dippaartimantii Foorensikii Poolisii Federaalaa Ityoophiyaa ammayyeessuuf taasifamaa jiru leenjiifi loojistikiin deeggaruuf waadaa seenuu eerameera.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.