Kabaja Irreecha Malkaa Ateeteef qophiin xumuramuu ibsame 

Finfinnee, Fulbaana 28, 2015(FBC)- Magaalaa Buraayyuutti Ayyaana Irreechaa Malkaa Ateetee kabajuuf, qophiin barbaachisu hundi xumuramuu Waajjirri Aadaafi Turizimii Bulchiinsa Magaalaa Buraayyuu beeksise.

Itti gaaftamtuun Waajjira Aadaafi Turizimii Bulchiinsa Magaalichaa aadde Maammituu Ayyaanoo OBN’tti himaniiru.

Ayyaana Irreechaa Malkaa Ateetee akkaataa duudhaa isaatiin akka kabajamuuf qophiin gama hundaan xumurameera jedhan.

Irreecha Malkaa Ateetee boru magaalaa Buraayyuu, Gafarsaatti irreeffatamuuf Paanaaliin Irreechaa Maalummaa Irreechaa hubachiisu qophaa’uu Aadde Maammituun addeessaniiru.

Paanaalii Irreechaa kanarratti qorannoon Irreechaarratti xiyyeefate lama qorattootaan kan dhiyaatuu tahuufi qaamoleen hawaasa garaagaraaa kan hirmaatan tahus ibsaniiru.

Keessummoota ayyaanicharratti hirmaachuu dhufaniif simannaan taasifamaa jiraachuu himaniiru.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.