Jilli Preezdaant Shimallis Abdiisaan durfamuu ayyaana Fiichee Cambalaalaa irratti hirmaachuuf Magaalaa Hawaasaa gale

Finfinnee, Eebila 20, 2014 (FBC) – Jilli Preezdaantii Mootummaa Naannoo Oromiyaa obbo Shimallis Abdiisaan durfamu ayyaana bara haaraa Uummata Sidaamaa Fiichee Cambalaalaa irratti hirmaachuuf Magaalaa Hawaasaa galeera.

Preezdaantii mootummaa Naannoo Oromiyaa Obbo Shimallis Abdiisaa dabalatee Ambaasaaddar Shifarraaw Shuguxee, hojii gaggeessaan magaalaa Finfinnee obbo Xiraatuu Bayyanaa fi hoggantoota olaanoo naannolee fi mootummaa federaalaa biroon  ayyaanicharratti hirmaachuuf magaalaa Hawaasaa galeera.

Jilichi magaalaa Hawaasaa buufata xiyyaaraa Dooree wayita ga’u Preezdaantiin naannoo Sidaamaa obbo Dassitaa Leeddaamoo fi hoggantoonni olaanoon naannichaa simannaa taasisaniifiiru.

Ayyaanni jiijjirraa bara haaraa Uummata Sidaamaa ‘Fiichee Cambalaaalaan’ Magaalaa Hawaasaa Addabaabaayii Gudmaaleetti haala ho’aa ta’een kabajamaa jira .

Ayyaanni kunis guyyaa har’aa irraa eegalee simpooziyeemii fi qophiilee garaagaraan kan kabajamu ta’uu ibsameera.

Maddi:- TOI

Ityoophiyaa :- Haa Misoomsinu, Haa Ijaarru, Haa qophoofnu!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.