Hoggantoonni olaanoon MNO Godina Qeellam Wallaggaatti Kutaalee Hawaasaa garaagaraa waliin mari’ate

Finfinnee, Amajjii 10, 2015(FBC)- Hoggantoonni olaanoon Mootummaa Naannoo Oromiyaa  Godina Qeellam Wallaggaatti Kutaalee Hawaasaa garaagaraa waliin mari’ateera.

Waltajjii marii kanarratti Pireezidaantii naannoo Oromiyaa Obbo Shimallis Abdiisaafi Itti Gaafatamaa Waajjira Paartii Badhaadhinaa Damee Oromiyaa Obbo Fiqaaduu Tasammaa dabalatee hoggantoonni Mootummaa olaanoon biroon, qondaaltoonni waraanaa, Abbootiin Gadaa, Abbootiin Amantaa, jaarsoliin biyyaa fi qaamoleen hawaasaa garaa garaa hirmaataniiru.

Nageenya waaraa fiduuf mootummaan hojjechaa jiraachuufi hawaasniis milka’iina isaaf tumsuu akka qabu Obbo Shimallis gaafataniiru.

Gaffilee ummataa walduraa duubaan deebisuuf kan hojjetan ta’uu pireezedaanti Shimallis ibsaniiru.

Nageenya waaraa mirkaneessuuf Mootummaan Naannoo Oromiyaa ejjennoo guddaa qabaachuu Itti Gaafatamaan Wajjiraa Paartii Badhaadhinaa Damee Oromiyaa Obbo Fiqaaduu Tasammaa ibsaniiru.

Kaayyoon Paartii Badhaadhinaa badhaadhina waloo fiduuf waan ta’eef mootummaan paartichaan hogganamus milkaa’ina isaaf cimee ni hojjeta jechuusaanii OBN gabaaseera.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.