Jilli Obbo Geetuu Gammachuun durfamu godina Arsii Lixaatti misooma qamadii bonee eegalchisan

Finfinnee, Mudde 22, 2015(FBC)-  Jilli Hogganaa Biiroo Qonnaa Oromiyaa Obbo Geetuu Gammachuun durfamu godina Arsii Lixaa Aanaa Eeban Arsiitti , hojii facaasaa misoomaa qamdii bonee eegalchisuu Biiroon Qonnaa Oromiyaa ibse.

Godinichatti qamadii boneen lafa hektaara kuma 40 misoomsuun oomisha kuntaala miliyoona 1.6 argachuuf karoorfamee hanga ammaatti lafti  hektaarri kumni 46 sanyiin uwwifamuu Itti gaafatamaan Waajjira qonnaa godinichaa Dooktaar Abdullaahii Beekaan ibsaniiru.

Akka Oromiyaatti qamadii bonee lafa hektaara miliyoona tokkorratti misoomsuuf karoorfamee hanga ammaatti lafti hektaarri miiliyoonni 1fi 60 qophaa’uun hektaarri kumni 960 sanyiin uwwifamuu Ragaan Biiroo Qonaa Oromiyaarraa argame ni mul’isa.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.