Jilli Atileetiksii Itiyoophiyaa marsaa 2ffaan Faransaay Paaris gahe

Finfinnee, Adoolessa 23, 2016 (FBC) – Jilli Atileetiksii Itiyoophiyaa marsaa 2ffaan taphoota Olompikii 33ffaarratti hirmaatu Faransaay Paaris gaheera.

Jilli kun Atileetoota fageenya garaagaraan dorgommii fiigichaarratti hirmaatan kan of keessatti hammate ta’uu eerameera.

Jilichi waayita buufata xiyyaaraa Chaarlis Deeguul gahu Faransaayitti Ambaasaaddara Itiyoophiyaa Maahileet Hayiluu dabalatee hoggantoota Koree Olompikii fi Federeeshinii Atileetiksii Itiyoophiyaan simatameera.

Dorgommiin tarkaanfii Kiiloo Meetira 20 Atileet Misgaanaa Waaqumaan irratti hirmaatu Kamisa dhufu ni gaggeeffama.

Atileet Misgaanaa Waaqumaan dorgommicha injifachuu akka danda’au tilmaama olaanaa argateera.

#Oromia #Ethiopia