Jarman Ityoophiyaaf tumsa taasiiftu cimsitee kan itti fuftu ta’uu ibsame

Finfinnee, Caamsaa 15, 2015 (FBC) – Ministirri Ministeera Maallaqaa Obbo Ahimad Shiideen Afrikaatti Daayrektara Olaanaa Tumsa Diinagdee fi Misoomaa Jarman Beergiit Piikaal waliin mari’ataniiru.

Obbo Ahimad Shiideen Waltajjii Boordii Baankii Misoomaa Afrikaa gaggeeffamaa jiru cinaatti marii kana taasisuu ragaan Ministeera Maallaqaarraa argame ni mul’isa.

Deeggarsa Teeknikaa fi Maallaqaa Jarman hojiilee misooma Ityoophiyaaf taasisaa jirtuuf galateeffataniiru.

Hojiilee naannawaa sababa waraanaa miidhaman deebisanii dhaabuu hojjetamaa jiruuf deeggarsi Jarman murteessaa ta’uu Obbo Ahimad Shiideen eeraniiru.

Beergiit Piikaal gama isaaniin, Jarman deeggarsa hunda galeessaa Ityoophiyaaf taasiiftu cimsite kan itti fuftu ta’uu mirkaneessaniiru.
Hojiilee misoomaa Ityoophiyaan hojjetaa jirtu tumsuuf dhaabbilee deeggartootaa biroo waliin qindoominaan hojjechuuf qophii ta’uu kaasnaiiru.

#Oromiyaa #Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.