Ityoophiyaan yaa’ii waliigalaa Dhaabbata Poolisii Idil Addunyaa 90ffarratti hirmaatte

Finfinnee, Onkololeessa 11, 2015 (FBC)– Ityoophiyaan yaa’ii waliigalaa Dhaabbta Poolisii Idil Addunyaa (Interpol) 90ffaa Hindi Magaalaa Niwdeelhiitti gaggeeffamerratti hirmaatteetti.

Yaa’ichi bara Faranootaa Onkololeessa 18-21, 2022 kan gaggeeffame yoo ta’u, ajajoonni poolisii biyyoota miseensota 188, minitirootaa fi dhaabbileen idil addunyaa poolisii waliin tumsaan hojjetan hirmaataniiru.

Jilli Koomishinara Jeneraalaa Koomishinii Poolisii Federaalaa Ityoophiyaa Dammallaash Gabiremikaa’eliin durfamus yaa’icharratti hirmaateera.

Koomishinar Dammallaash Gabiremikaa’eel, Pireezidaantii Dhaabbata Poolisii Idil Addunyaa Meejer Jeneraal Ahimad Naasiir Al Ra’iisii, ittigaafatamtoota naannawaa fi waamamaa Interpol Afrikaa waliinis marii cinaa gaggeessuun ibsameera.

Pireezidaantiin Interpool Meejer Jeneraal Ahimad Naasiir Al Ra’iisii waliin tumsa Ityoophiyaan interpooliif taasiftu cimee akkaataa itti fufu danda’urratti mari’ataniiru.

Ce’umsa teeknooloojii, ijaarsa dandeettii humna namaa, qorannoo yakkaa foorensikii fi saayibarii cimee akka itti fufuf Interpool waliin walta’iinsan dhimmoota hojjechuun danda’amurrattis mari’achuun isaanii ibsameera.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.