Ityoophiyaafi Soomaaliyaan hariiroo tuurizimii, daldalaafi geejjibaa isaanii cimsuuf waliigalan

Amajjii 2, 2015(FBC)- Ityoophiyaafi Soomaaliyaan waliigaltee hariiroo tuurizimii, daldalaafi geejjibaa isaanii cimsuu dandeessisu waliif mallatteessuu ibsame.

Abbaan Taayitaa Siiviil Aveeyeeshinii Ityoophiyaafi  Ministeerri Geejjibaafi Siiviil Aveeyeeshinii Somaaliyaa hariiroo tuurizimii, daldalaafi geejjibaa isaanii cimsuuf waliigaluu ibsameera.

Waliigaltechirratti Ministira Ministeera Geejjibaafi Loojistikii aadde Daagimaawwit Mogas dabalatee Daayrektarri Olaanaa Abbaa Taayitaa Siiviil Aveeyeeshinii obbo Geetaachoo Mangistee, Ministirri Ministeera Geejjibaafi Siiviil Aveeyeeshinii Soomaaliyaa Fiirdoowas Osmaan Eegaal argamaniiru.

Waliigaltichi damee aveeyeeshiniin tumsa biyyoonni lameen qaban gara sadarkaa olaanaatti kan guddisu ta’uu aadde Daagimaawwit Mogas ergaa gama miidiyaa hawaasummaa isaaniin dabarsaniin eeraniiru.

Mootummaan waliigalticha hojiirra oolchuuf qophii ta’uu ibsaniiru.

Daayrektarri Olaanaan Abbaa Taayitaa Siiviil Aveeyeeshinii Ityoophiyaa obbo Geetaachoo Mangisteen gamasaaniin, waliigaltichi hariiroo tuurizimii, daldalaafi geejjibaa biyyoota lameenii cimsuuf kan gargaaru ta’uu addeessaniiru.

Ministirri Ministeera Geejjibaafi Siiviil Aveeyeeshinii Soomaaliyaa Fiirdoowas Osmaaan Eegaal, waliigaltichi hariiroo biyyoota klameenii cimsuun damee geejjibaan Ityoophiyaarraa muuxannoo qooddachuuf kan gargaaru ta’uu kaasan.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.