Itiyoophiyaan yakkoota daangaa ce’an Ittisuuf murannoo qabaachuu ibsite
Finfinnee, Sadaasa 18, 2017 (FBC)- Yaa’iin Waggaa Opireeshinii giddugala Nageenyaa Naannawichaa Magaalaa Finfinneetti gaggeeffamaa jira.
Yaa’icharratti Ittaanaan Komishinaraa Komishinii Poolisii Federaalaa Jeneraal Malaakuu Faantaan haasawaa taasisaniin, yakkoota godaansaa fi odeeffannoowwan yakkoota biroon walqabataan hordofuu fi odeeffannoo wal jijjiruuf kan kaayyeeffate ta’uu dubbataniiru.
Yaa’ichi daddabarsa namootaa seeraan alaan miidhaa qaqqabuu hir’isuu fi tooftaalee waloo qopheessuurratti kan xiyyeeffate ta’uu dubbataniiru.
Haaluma kanaan Itiyoophiyaan yakkoota daangaa ce’oo ittisuuf ejjennoo cimaa qabaachuus eeraniiru.