Itaamaajur Shuumiin Humna Waraanaa Ityoophiyaa Fiild Maarshaal Birhaanuu Julaan magaalaa Hawaasaa galan

Finfinnee, Eebila 20, 2014 (FBC) – Itaamaajur Shuumiin Humna Waraanaa Ityoophiyaa Fiild Maarshaal Birhaanuu Julaan naannoo Sidaamaa magaalaa Hawaasaa galan.

Fiild Maarshaal Birhaanuu Julaan buufata xiyyaaraa Idil Addunyaa Hawaasaa wayita ga’an Ittaanaan Preezdaantii naannichaa obbo Bayyanaa Baaraasaa fi hoggantoonni olaanoon naannichaa simannaa taasisaniifiiru.

Fiild Maarshaal Birhaanuun ayyaana jijjiirraa bara haaraa Uummata Sidaamaa Fichee Cambalaalaa Eebila 20 fi 21 kabajamurratti hirmaachuuf Hawaasaa galuu ibsameera.

Bifuma walfakkaatuun Ministirri Ministeera Pilaanii fi Misoomaa Dooktar Fitsum Asaffaa fi Ministirri Ministeera Dhimma Dubartootaa fi Hawaasummaa Dooktar Ergoogee Tasfaayeen ayyaanicharratti hirmaachuuf magaalaa Hawaasaa galaniiru.

Fuula Feesbuukii keenyaan dabalataa odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.