Israa’eel iddoowwan Hamaas Gaazaa keessatti argaman qilleensarraan haleeluu ibsite

Iddoolee Hambaas Gaazaa argaman naannolee filatamanirratti haleellaa qilleensaarraa raawwachuu ishee himameera.

Guyyaa kaleessaa Boombiiwwan boba’oon Gaazaarra gara Israa’eel furguuggaman Kibba Israa’eeliitti balaa ibiddaa kaasuu ibsameera.

Kana hordofee Israa’eel naannoo Gaazaa iddoolee filatamanirratti haleellaa qilleensaa raawwachuu Ministeerri Raayyaa Ittisaa biyyattii beeksiiseera.

Haleellaan kunis biyyoonni lameen wal waraansa guyyoota 11 booda waliigaltee dhukaasa dhaabuu erga raawwatanii isa jalqabaati jedhame.

Duub deebii Garee Hamaasiirraa dhufuu danda’u kamiiyyuu qolachuuf Israa’eel qophii ta’uu ibsiteerti.

Hamaas gama isaan nageenyi waaraa Filisxeeemootaa hanga mirkanaa’uttii fi iddooleen Israa’eel jala jiran hanga deebi’anitti qabsoo gaggeessuu cimsee kan itti fufu ta’uu hubachiiseera.

Haleellaa raawwatame hordofee hanga ammaatti hammi miidhaa qaqqabee hin beekkamne jedhame.

Maddi:-BBC

Feesbuukii Keenyan Dabalata Odeeffannoo Waqtaawaa Argachuuf;

Teelegraama Https://T.Me/Afanoromofana

Yuutyuubiihttps://Www.Youtube.Com/C/Fanabroadcastingcorporate/

Marsariitii Fanabc.Com/Afaanoromoo

Twiitara Https://Twitter.Com/Fanatelevision Nu Duukaa Bu’aa

Yeroo Maraa Nu Waliin Waan Taataniif Isin Galateeffanna.