Israa’eel Finciltoota Huutii haleeluu beeksifte

Finfinnee, Adoolessa 14, 2016 (FBC) – Israa’eel Finciltoota Huutii Kaaba Yeeman keessa Socho’anirratti haleellaa qilleensaa qindaa’aa raawwachuu beeksifte.

Haleellaa Finciltoonni Huutii Teel Aviiv irratti raawwatan hordofee tarkaanfii deebii fudhatame ta’uu ibsameera.

Bakkeewwan Finciltoonni Huutii to’atan naannawaa Buufata Hudeeydaahitti haleellaan Qilleensaa Qindaawaan raawwatamuu Ministirri Raayyaa Ittisaa Israa’eel Yoo’aav Gaalaanti ibsaniiru.

Israa’eel naannawaa buufaticharratti haleellaa suukaneessaa raawwachuu miseensa garee Huutii kan ta’an Mahaammad Abduusalaam himaniiru.

Haleelichaan namoonni 3 ajjeefamuu fi namoonni 80 ol ta’an madaa’uu maddeen Oduu Huutii gabaasaniiru.

Baatiwwan darban keessa Misaa’eloonnii fi Xiyyaaronni nama maleeyyin Huutii irra deddeebiin Daangaa Israa’eel qaxxaamuruun haleellaa raawwachaa turuu BBCn gabaaseera.

#Oromia #Ethiopia