Injifannoon Kaarramaarra michummaa biyyoota lamaaniif bu’uura kan kaa’eedha -:Ambaasaaddara Kuubaa

Finfinnee, Gurraandhala 25, 2014 (FBC) – Injifannoon Kaarramaarra michummaa fi obbolummaa biyyoota lamaaniif bu’uura kan kaa’e ta’uu Ityoophiyaatti Ambaasaaddarri Kuubaa Joorji Lafeebar Niikoolaas ibsaniiru.

Ambaasaaddar Joorji Lafeebar Niikoolaas guyyaa injifannoo Kaarramaarraa waggaa 44ffaa sababeeffachuun yaada laataniin humni waraanaa Ityoophiyaa loltoota Kuubaa waliin ta’uun weerartoota Soomaaliyaa birmadummaa fi tokkummaa Ityoophiyaa qoruuf dhufe injifachuu kaasaniiru.

Ajajee olaanaa Warraaqsa Kuubaa kan turan Fidal Kaastiroon deeggarsa waraanaa idil addunyaa Kuubaan Ityoophiyaa taasiifte kana ‘Duula Baaraagoo’ jechuun waamaa turuu eeraniiru.

Duulichaan loltoonni Kuubaa 163 wareegamuu kaasaniiru.

Wareegamni loltoonni Kuubaa kaffalan michummaa fi obbolummaa biyyoota lamaaniif bu’uura kaa’uu ambaasaaddarichi ibsaniiru.

Bara 1970 eegalee barattoonni Ityoophiyaa kumni 5 ol Yuunvarsiitii Kuubaatii eebbifamuus eeraniiru.

Mootummaan Kuubaa dameewwan barnootaa garaagaraan barattoota Ityoophiyaaf carraa barnootaa bilisaan laachuu ambaasaaddarichi ibsaniiru.

Guyyaan Ityoophiyaanoonni weerartoota Ziiyaadbaaree itti barbadeessaan waggaa 44ffaan guyyaa boruu ni kabajama.

Ityoophiyaa :- Haa Misoomsinu, Haa Ijaarru, Haa qophoofnu!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.