Ibsi Ministeerri Dhimma Alaa Somaaliyaa baase soba ta’uu Itiyoophiyaan ibsite

Finfinnee, Mudde 15, 2017 (FMC) – Ibsi Ministeerri Dhimma Alaa Somaaliyaa Taatee magaalaa Dooloo keessatti mudateen humna Itiyoophiyaa himachuun Itiyoophiyaa dallansiisuu fi himatichi soba ta’uu Ministeerri Dhimma Alaa beeksiseera.

Himanni sobaa kun hariiroo Itiyoophiyaa fi Somaaliyaa gidduu jiru caalmaatti sirreessuuf tattaaffii eegalame gufachiisuuf kan kaayyeeffame ta’uu Ministeerri Dhimma Alaa FDRI ibsa baaseen himeera.

Itiyoophiyaan waliigaltee Ankaaraa sirnaan hojiitti hiikuuf murannoo qabaachuu himeera.

Tumsi biyyoota lamaanii nageenya waaressuu fi guddina diingadee naannawichaaf murteessaa ta’uu ministeerichi ibsa haala yeroo ilaalchisee baaseen himeera.

Ummanni Itiyoophiyaa fi Somaaliyaa carraa walfakkaatu kan qaban, biyyoonni lamaan walitti dhiyeenyaan yoo hojjetan rakkoo mudatuuf furmaata laachuu danda’a jedhame.

Mootummaan Itiyoophiyaa balaawwan walfakkaataan ittisuuf Mootummaa Federaalaa Somaaliyaa fi qaamolee dhimmi ilaallatu waliin tumsaan hojjechuu kan itti fufu ta’uu ibsichi kaaseera.

Itiyoophiyaan akkaataa waliigaltee Ankaaraan hariiroo biyyoota lamaanii haaromsuu fi caalmaatti cimsuuf hojjechuu kan itti fuftu ta’uu himeera.

Murannoon hoggantoonni biyyoota lamaanii nageenyaaf qaban hariiroo waloo fi tumsa naannawichaaf kan cimsu ta’uu eereera.

#Oromia #Ethiopia