Humna Qilleensaa ergama idila addunyaaf ga’oomsuuf hoggansii fi miseensonni gahee isaanii bahachuu qabu-L/J Yilmaa Mardaasaa

Finfinnee, Guraandhala 10, 2015 (FBC)- Humni Qileensaa Ityoophiyaa biyyarraa darbee dirqamaa fi ergama idil addunyaaf ga’oomsuuf karooraa qabamef hoggansii fi miseensonni humna qilleensaa hundi gahee isaanii akka bahatan Ajajaan Humna Qilleensaa Ityoophiyaa Leetenaal Jeneraal Yilmaa Mardaasaan hubachiisan.

Humni Qilleesaa Ityoophiyaa raawwii baatiiwwan ja’an darbaniirratti mari’ateera.

Maricharratti Ajajaan Humna Qilleensichaa Leetenaal Jeneraal Yilmaa Mardaasaan akka jedhanitti, baatiiwwan ja’an darban dandeettii qophaa’ummaa guddisuu fi ijaarsaa dhaabbataa waaraa irratti xiyyeeffannaan hojjetamuun bu’aalee jajjabeessaan galmaa’eera.

Bu’aan argames hoggansii fi raayyaan hundi tokkummaan hojjechuun milkaa’ina argame ta’uu himaniiru.

Keessumaa ijaarsaa xiinsammuu raayyaa, naamusa loltummaa fi dameewwan biroorratti jijjiiramni dhufe argisiistuu ta’uu kaasnii bu’aa argamee fuulduratti cimee itti fufuu akka qabuu dubbataniiru.

Akka ciminaatti milkaa’inaalee argamaniin utuu hindagamne, hanqinaalee jiran irratti xiyyeeffachuun barbaachisadha kan jedhan Leetenaal Jeneraal Yilmaan, Humni Qilleensaa Ityoophiyaa fuulduratti kan karoorfame ergamaa fi dirqama biyyaalessaarraa darbee kan idil addunyaaf ga’oomsuurratti hoggansii fi miseensi humna qilleensichaa hundi gahee isaanii akka bahatan hubachiisaniiru.

#Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.