Hojjettoonni Biiroo Qonnaa fi Qabeenya Umamaa Oromiyaa Raayyaa Ittisa Biyyaaf deeggarsa Birrii miiliyoona 3 ol gumaachan

Finfinnee, Hagayya 14, 2013 (FBC)- Hojjettoonni Biiroo Qonnaa fi Qabeenya Umamaa Oromiyaa Raayyaa Ittisa Biyyaaf deeggarsa Birrii miiliyoona 3 fi kuma 100 ol gumaachaniiru.

Biirichi haala nageenya biyyaa yeroo ammaa keessa jirtu fi haala kana keessaatti Sekterichi Diinagdee Qonnaa biyyaa irrattii akkamiin hojjachuu akka danda’u irraatti qooda fudhattoota waliin Magaalaa Adamaatti mari’ate.

Nageenyi dhufuu kan danda’u deeggarsa qaama murasaan miti kan jedhan Itti Aanaa hogganaa Biiroo Qonnaa fi Qabeenya Uumamaa Oromiyaa Obbo Indaalkaachoo Tafarraa Misooma qabanne akka milkaa’uuf hojii nageenyaa irratti hojjatachuun murteessaadha jedhan.

Deeggarsi Biiroon isaanii taasisaa jirus kanuma agarsiisa jedhan.

Deeggarsichis cimee kan itti fufu ta’uus himuun, Namni hundii qaama birmadummaa biyyaa sarban kamiiyyuu fashaleessuuf waan danda’uu hundaan Gooticha Raayyaa Ittisa Biyyaa cinaa dhaabbachuu qabas jedhan.

Biroon Qonnaa fi Qabeenya uumamaa Oromiyaa Goota Rayyaa ittisa Biyyaaf Miindaa ji’a tokko, Galaa qopheessuu fi dhiiga arjoomuu isameera.

Madd:-OBN

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.