Hojii Misooma magariisaa Ityoophiyaan hojjechaa jirtu deeggaruuf waliigalteen mallatteeffame

Finfinnee, Gurraandhala 11, 2014 (FBC)– Waliigalteen Hojii Misooma magariisaa Ityoophiyaan  hojjechaa jirtu deeggaruuf dandeessisu mallatteeffamuu ibsame.

Inistiitiyuutiin Misooma Magariisaa Idil Addunyaa fi Instiitiyuutiin Reesoorsii Addunyaa waliigaltee tattaaffii Ityoophiyaan diinagdee misooma magariisaa guddisuuf taasistu deeggaruu dandeessisu mallatteessan.

Waliigaltecha Daayrektara Inistiitiyuutii Misooma Magariisaa Idil Addunyaa Dooktar Firaank Riijisbeermaan fi Instiitiyuutii Reesoorsii Addunyaatti  bakka bu’aan dhimma waliigaltee Jeef Liin mallatteessuu ibsameera.

Waliigaltichi deeggarsa qorannoo ragaarratti bu’uureffate taasisuu, sagantaa qabeenya qilleensaa, ijaarsa dandeettii dhaabbilee fedhiirratti hundaa’e taasisuuf kan dandeessisu ta’uu eerameera.

Dhaabbileen kunneen galmawwan waliigaltecharratti haammataman milkeessuuf hojiirra oolmaa karoora misooma  Istiraateejii waggoottan 10 Ityoophiyaa deeggaruuf kan wal tumsan ta’uu ibsameera.

Ityoophiyaan faalama qilleensaa hir’isuuf karoorfattee hojjechaa jiraachuu fi karooricha milkeessuuf dhaabbileen lameen deeggarsa kan taasisan ta’uu ibsameera.

Maddi:- TOI

Ityoophiyaa :- Haa Misoomsinu, Haa Ijaarru, Haa qophoofnu!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.