Hoggantoonni olaanoon magaalaa Finfinnee Proojektoota misoomaa daawwatan
Finfinnee, Caamsaa 13, 2014 (FBC) – Hoggantoonni olaanoon bulchiinsa magaalaa Finfinnee Proojektoota misoomaa magaalichaa daawwataniiru.
Qondaaltoonni mootummaa kunneen Proojektoota misoomaa gurguddoo magaalicha keessatti hojjetamaa jiran naanna’uun daawwataniiru.
Hoggantoonni magaalichaa leenjii hoggansaa ‘Ilaalcha Siyaasaa Haaraa, mul’ata Biyyaalessaa Haaraa’ mata duree jedhuun kan eegalan yoo ta’uu, jalqabbii leenjirratti proojektoota misoomaa yaada Muummee Ministiraa Abiy Ahimadiin hojjetamaa jiran daawwataniiru.
Manni Kitaabaa Abrihoot, iddoon dhaabbii Konkolaattootaa Masaraa mootummaa guddichaa, Proojektiin Shaggar lakkoofsi 2, Addabaabayiin Masqalaa, Godaambaan Saayinsii fi Teeknooloojii, Haaromsi Waajjira Kantibaa Proojektoota daawwataman ta’uu ragaan Waajjira Kaantibaa magaalaa Finfinneerraa argame ni muul’isa.
Fuula Feesbuukii keenyaan dabalataa odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.