Hinditti guyyaa tokkotti namoonni kumni dhibbi 3 fi kumni 46 ol vaayrasii koroonaan qabaman

Finfinnee, Eebila 16, 2013 (FBC) – Hinditti guyyaa tokkotti namoonni kumni dhibbi 3 fi kumni 46 fi 786 vaayrasii koroonaan qabamuu ibsame.

Kunis erga weerarri vaayrasii koroonaa addunyaa muudatee aduu tokkotti lakkoofsa olaanaa ta’uu himameera.

Biyyattiitti sa’aa 24 darbe keessatti lubbuun namoota kuma 2 fi 624 darbeera.

Magaalaa guddittii biyyattii New deelhiitti garaagarummaa daqiiqaa 4tiin lubbuun nama 1 darbaa jira jedhame.

Lakkoofsi namoota dhibichaan qabamanii daraan dabaluu isaan hanqinni meeshaalee hargansuu muudachaa jiraachuu ibsameera.

Indiyaatti hanga ammaatti namoota miiliyoona 16 fi kuma dhibba 6 ol dhibichaan qabaman keessaa lubbuun namoota kuma dhibba 1 fi kuma 89 fi 544 darbuu Ministeerri Fayyaa biyyattii beeksiiseera.

Hinditti guyyoota sadan darbaniif guyyaan namoonni kumni dhibbi 3 ol vaayrasichaan qabamaa jiraachuu Ministeerichi ifoomseera.

Feesbuukii keenyan dabalata odeeffannoo waqtaawaa argachuuf;https://www.facebook.com/fanabroadcasting

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.