Himatamaa ijoolleesaa 2 haala suukaneessan ajjeese adabbiin du’aa itti murtaa’e

Finfinnee, Amajjii 10, 2015 (FBC) –  Godina Baaleetti Himatamaa ijoolleesaa 2 haala suukaneessaan ajjeese adabbiin du’aa itti murtaa’eera.

Yakkamaa jiraataa godina Baalee aanaa Madda Walaabuu ijoollee isaa umrii waggaa 7 fi waggaa 6 ajjeessuun boolla keessatti awwaale jechuun himannaan irratti baname.

Reeffi ijoollee kanneenii  muddee 2, 2015 bakka awwallamanii ba’uun iddoo awwaalcha seeraatti awwaalamus himameera.

Dhimmicha hordofaa kan ture Waajjirri Abbaa Alangaa Godina Baalee galmee himannaa kanaa mana murtii olaanaa Godina Baaleetiif dhiheesseera.

Manni Murtii olaanaa Godina Baalees yakkichi himatamaa kanaan raawwatamuu erga mirkaneeffatee booda, Dhaddacha har’a ooleen himatamaan du’aan akka adabamu itti murteessuu OBN gabaaseera.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.