Hawaasni Ispoortii Raayyaa Ittisa Biyyaa cinaa hiriiruun birmadummaa biyyaa eeguu qaba jedhame

Finfinnee, Hagayya 8, 2013 (FBC) – Hawaasni Ispoortii Raayyaa Ittisa Biyyaa cinaa hiriiruun birmadummaa biyyaa eeguu akka qabu Komishinarri Komishinii Ispoortii obbo Nasir Huseen ibsan.

Sirni baniinsa gumaacha deeggarsa Raayyaa ittisa biyyaa hawaasa Ispoortii sadarkaa naannoo oromiyaatti eegaleera.

Sirna baniinsaa kanarratti komishinarri komishiinii ispoortii naannoo Oromiyaa obbo Naasir Huseen haasawa taasisaniin Kaayyoon sagantichaa Hawaasni ispoortii Raayyaa Ittisa Biyyaa cinaa dhaabbachuu fi jajjabeessuuf qophii ta’uu mirkaaneessuufi jedhan.

Hawaasni waliigalaa fi dargaggootni birmadummaa biyya isaanii eeguuf Raayyaa Ittisa Biyyaa cinaa hiriiruuf qophii ta’uu kaasaniiru.

Miira tokkummaa fi nagaa uumuuf sochii dambalii hawaasaa fiixee hanga fiixeetti eegalame keessatti hirmaanna maatii ispoortii guddisuun barbaachisaa ta’uu dubbataniiru.

Sochiin Sadarkaa naannootti eegale kun hanga gandaatti kan gadi bu’u ta’uus himameera.

Dajanuu Gonfaatu gabaase.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.