Hawaasni Ispoortii Naannoo Oromiyaa duula ” Ni ga’a/ #NoMore ” jedhutti makaman

Finfinnee, Sadaasa 26, 2014 (FBC) – Hawaasni Ispoorti Naannoo Oromiyaa duula ” Ni gaha/ #NoMore ” jedhutti makamuun dhiibbaa fi gidduu seentummaa biyyoota lixaa balaleeffatan.

Sagantaan kabajaafi jaalala biyyaaf qabnu Raayyaa Ittisa Biyyaa cinaa dhaabbachuun agarsiisu hawaasa Ispoortii fi Dargaggoota Naannichaan Magaalaa Galaanitti qophaa’eera.

Sagantaa kanas Biiroo Dargaggoo fi Ispoorti Oromiyaa, Bulchiinsa Magaalaa Galaan waliin qopheessan.

Sagantaa kanarratti sochiin Ispoorti Hawaasaa taasifamuun cinatti dhiibbaa Ityoophiyaarratti biyyoota alaan taasifamu ni balaaleeffannaa, raayyaa keenya cinaa ni dhaabbanna jechuun dhaadannoo ‘#Ni ga’a / #Nomore / jedhu dhageessisuun sochii kanatti ifatti makamaniru.

Kanamalees dargaggoonnii fi hawaasni Ispoorti sagantaa kanarratti argamanis Raayyaa Ittisaa Biyyaaf dhiiga arjoomaniru.

Hoggantuun Biiroo Dargaggoo fi Ispoortii Naannoo Oromiyaa Aadde Saamiyaa Abdallaa, Dargaggootaa fi hawaasaa Ispoortii sagantiicha irratti argamaniin, aantuummaa biyyaaf qabdan raayyaa cinaa dhaabbachun agarsiistaniif galata qabdu jedhaniru.

Dargaggoonni Bulchiinsa Magaalaa Galaanis, Birrii kuma dhibba 3 fi kuma 70 Raayyaa Ittisa biyyaaf deeggarsaa taasiisuu Biiroo Dargaggoo fi Ispoorti Naannoo Oromiyaarraa argame ni muul’isa.

Naannoo keessan eegaa!

Gara adda waraanaatti duulaa!

Raayyaa Ittisa Biyyaa deeggaraa!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.