Har’a taphni Arsenaal Maanchiister Yuunaayitiid keessummeessu akkaan eegama

Finfinnee, Sadaasa 25, 2017 (FBC) – Piriimeer Liigii Ingilaandiin taphni har’a Arsenaal Maanchiister Yuunaayitiid keessummeessu akkaan eegama.

Har’a halkan sa’aatii 5:15 eegalee falmiin Arsenaal Istaadiyeemii Emireetirratti Maanchiister Yuunaayitiid waliin taasiisu hawwiin eegama.

Kilaboonni lamaan taphoota hanga ammaatti waliin taphatan 241 keessaa Arsenaal yeroo 89 yoo injifatu, Maanchiister Yuunaayitiid yeroo 99 injifachuun, si’a 53 ammoo qabxii qoodataniiru.

Sagantaa torbee 14ffaa kanaan har’a halkan sa’aatii 4:30 eegalee taphoonni 4 kan taphataman yoo ta’uu, Eevartan – Woolviis, Maanchiister Siitiin – Nootiingihaam Forest, Niwuukaasiil – Liiverpuul, waliin yoo morkatan, Saawuuz Hampitan – Cheelsii waliin falmata.

Akkasumas halkan sa’aatii 5:15 eegalee Astoon Viilaan – Bireenfoord waliin taphata.

#Oromia #Ethiopia