Har’a Piriimeer Liigii Ingilaandiin taphoonni 2 ni taphatamu
Finfinnee, Caamsaa 7, 2016 (FBC) – Har’a galgala Piriimeer Liigii Ingilaandiin taphoonni qixxeessituun 2 ni taphatamu.
Har’a halkan sa’aatii 3:45 eegalee Biraayitan Cheelsii kan keessummeessu yoo ta’uu, sa’aatii 4:00 irraa jalqabee Maanchiister Yuunaayitiid Niwuukaastil ni keessummeessa.
Taphoonni kunneen Cheelsii, Niwuukaastilii fi Maanchiister Yuunaayitiid carraa hirmaannaa Liigii Awurooppaa argachuuf qabaniif tapha murteesssaa ta’uu isaan falmiin taasiisan hawwiin eegama.
Niwuukaastilii fi Cheelsiin qabxii 57 walqixaa kan qaban yoo ta’uu, Niwuukaastil galchiin caaluun sadarkaa 6ffaarratti argama.
Kilaba lamaan keessaa kan har’a injifate carraa hirmaannaa Liigii Awurooppaa argachuu caalmaatti kan bal’ifatu ta’a.
Yuunaayitiidis har’a injifannaan carraa dhiphaa ni qabaata.